اجمل ماكتبت (همسة على جدار القلب)

بجد حلمت بيكى وحاسس بصوتك فى ودانى بينادى عليا لكن انتى فين سؤال محير



كان بيدور جوايا ياترى هاشوفها طيب لو اتمنيت اكتر من كده ممكن المسها اسمع حقيقى


صوتهاممكن ييجى عليا يوم من الايام واشوفها بتبصلى وتنادى عليا باسمى



بس هى فين شلت الافكار الكتير دى من دماغى وقمت غسلت وشى وخرجت اقضى بعض حجات



بتهمنى وانا بامشى باشوف كل بنت كل جزء منها بيكون صورة لحبيبتى الى فى خيالى




بصيت قدامى ومشيت لاحد يفتكر انى باعكس ولا حاجة ودخلت مول كبير لقيت فى ناس


كتير مشيت وحبيت اتفرج على بعض المعروضات الى فى الفاترين الكبيرة الجميلة



خبطت فى كتفى بنت جميلة جدا تبارك الخلاق فيما خلق بجد قعدت اتامل فى ملامحها كتير



وابص فى عنيها لكن مش هى فتاة احلامى هى جميلة ايوه لكن مش هى اعتذرت واخدت شنطتها


واتعرفت عليها وعرفت انها ساكنة قريب منى بصنعة لطافة وبمنتهى الذوق


قدرت اخد رقم موبايلها واخيرا حصلت اول مكالمة



لكن لما اتصلت والخط انفتح لقيت حاجة غريبة...............

وفجاة سمعت صوت لم اكن اتوقعه لقد كنت اتوقع صوت رقيق مفعم بالدفء والحنان ولكنى وجدت


صوتا اجش يقول الو الو رد ياحمار وطبعا بعد اللقب الجميل ده اضطررت




لان اغلق الهاتف ولكنى ظللت متردد تاكدت من الرقم انه هو هو بعينه خلدت الى النوم


وفى صباح اليوم التالى استيقظت من النوم وبعد ان اديت فروضى وسلمت على والدتى


اتجهت للباب وخرجت ولكنى اول مافتحت الباب وقعت عيناى عليها فاشارة الى بيدها



الا اكلمها الان ولكن عندما ابتعدنا عن المنزل بدات معها بالكلام وحكيت لها عما حدث



امس عدا موضوع الحمار ده اعتذرت وقالت انها نسيت موبايلها فى حجرة الجلوس


وان والدها شديد الرقابة عليها فقلت لها انه رجل عظيم ولكن فى خاطرى تمنيت لو ان احدا



يعطينى رقبته المهم ظللت اسير معها اعجبت جدا بشخصيتها وبلاباقتها فى الكلام



كنت اشعر وانا معها باحساس غريب اشعر كان كل افكارى مستقرة وانها تسيطر على



مشاعرى سيطرة كاملة كانها تتحكم بها بالرمود كنترول ودعتها وبعد عودتى الى المنزل



دارت بداخلى صراعات عديدة بين حلمى القديم وبينها ولكنى قلت لايوجد هناك مانع من


الحديث معها اثناء بحثى عن حلمى دق جرس الباب


فاستغربت لاننى لا انتظر احدا وعندما فتحت وجدت والدها امامى ..........

مستنيين الباقي
اكيد والدها قام بالواجب
اكيد هتشبع ضرب للصبح زمانك في العناية المركزة دلوقتي





لا اله الا الله

ولما فتحت الباب فجاة لقيت ابوها واقف قدامى حاولت اخبى الخوف جوايا لكن ماقدرتش



من كتر العرق كل الى كان بيدور فى بالى هاحجز فى انهى مستشفى ولا هاترسى


على قلمين وكام بونية باباها كان ضخم مليان عضلات شكله اصلا يخوف ولقيته بيقولى



لو سمحت مالقيش عندك انبوبة استبن حاولت اتكلم بمنتهى اللباقة علشان اظهر امامه



بمنظر جميل جبتله انبوبة كانت استبن عندى وحلفت لازم انا الى اركبها ولما دخلت عندهم



اترعبت كان هاين عليها تقول للارض تنشق وتبلعها ركبتها ليه وعزمنى على كوب


عصير بس اخدت منه ثمن الانبوبة طبعا مش علشان ابوها يعنى اطنش روحت البيت


وانا باحمد ربنا انه نجانى باعجوبة من الموقف ده وكلمتها باليل اول مااتكلمت حبيت



اضحكها قالت الو قولتلها خدمت توصيل الانابيب للمنازل مع حضرتك ياقندم ضحكت


وكانت اجمل ضحكة سمعتها فى حياتى وبعدين قولتلها انت بنت الراجل ده كله اذاى ده


اكيد سالفك او جيتى من حته غلط ابتسمة ابتسامة خفيفة كده جعلت من قلبى مسكن لكل الالحان الجميلة


كان نفسى اقولها على المشاعر الى باحسها جوايا لكن خايف اخون



حلمى كان نفسى تعرف انها نسمة الامل الى بتملى عليا حياتى انها الدنيا الى عشت فيها بدون



ارادتى وانا سعيد بكده انا المسجون الوحيد السعيد بحبسته على امل انه يطلع


براءة ويلاقى حلمه الجميل فى انتظاره


وانا فى وسط الكلام لقيت باباها بيقول الو الو مين معايا .......

اسف انى اتاخرت فى كتابة بقية القصة لكنها لظروف خارج ارادتى

ولقيت باباها بيقول الو الو ماكنشى قدامى غير انى ارفع صوتى واقول ايوه مين حضرتك



يافندم ولقيتها ردت عليا وهى بتضحك وبتقول ايوه ياسلوى قلت الحمد لله ربنا ستر



والوحش صدق اللعبة بدات ابسط الاحساس الى فى قلبى ليها قولتلها انى لما بكلمك باكسر


حاجز الوحدة جوايا مش كده وبس لكن باحس بالامان لما اسمع صوتك والحنان



والدفء فى كلامك وبانسى كل ده لما اسمع صوت ابوكى ماتقتليه وتخلصينى ضحكة ضحكة خفيفة



لكن رجعت وقلت هو باباكى برضه وهو راجل محترم وكويس بس




مايخرجشى من البيت طيب ومامتك عاملة ايه قالتلى ماما متوفية قلتلها البقاء لله ممكن تعتبرينى مامتك




قصدى ذى مامتك يعنى مع التخلى عن بعض التضاريس حبيت اعوضها



فى كلامى عن الحنان الى مفتقداه فى امها ودى كانت البداية كنت بدات اخاف عليها جدا



لكن كنت بحاول ابعد نفسى عنها لكن مش قادر كنت ذى السجين الى حابب سجنه




خرجت تانى يوم الصبح لقيت ناس كتير واقفة ملمومة ولقتها ......

الحمد لله ان الحكاية مشيت بدون ضرب
يلا تتعوض المرة الجاية ان شاء الله



في انتظار التالي


لا اله الا الله

ولقتها واقفة بتبكى قربت اكتر لقيتها واقفة ووالدها على الارض رجليه مكسورة المستشفى


كانت قريبة اضطريت اشيله بس علشان خاطرها كنت مبسوط لكن فى نفس الوقت



حزين علشان هى زعلانةوديت والدها المستشفى وقعدت معاها شوية وسيبتها ومشيت



وروحت ازوره اليوم التانى لقيت شىء مش متوقع لقيت بنت خالتها بتزور والدها كان



اسمها منى بس هى دى الى فى احلامى هى صورتها شكلها ملامحها دخلت سلمت عليهم



والبنت الى اعرفها راحت تجيب طلب وقعدت لوحدى مع منى بدات اكلم منى فى




مواضيع عادية وبعدين حكيت ليها على حلمى وبدات اشرح ليها مشاعرى بمنتهى الصدق والامانة



وقلتلها انتى الى انا بادور عليها من زمان ماتوقعتش ردها قالتلى انت بتشتغل



ايه وعندك كام فى البنك وعندك شقة ولا لا عرفت بعد كده ان باباها رجل اعمال وبتعشق الفلوس مووت




غير انها قالت عنى مجنون انهارت كل المعانى الجميلة جوايا حتى




الحلم الى عشت عشانه طلع كبوس حاولت ابعد حتى عنها قعدت فترة لكن ماقدرتش كان فى شىء غريب



بيجذبنى ليهابس كان جوايا جرح دايما بيالمنى بسبب حلمى الى انهدم



فى ثوانى قدام عنيا قلبى كان فعلا وحيد لحد مارن جرس التيليفون ولقيتها الى بتكسر حاجز



وحدتى وبتطمن عليا بجد حسيت بيها وهى بتداوى جراحى وبتحاول تسعدنىعلى قد


ماتقدر وانا باكلمها قالتلى حاجة هزت كيانى كله وغيرت كل المعانى الى جوايا قالت ........

بحبك اجمل كلمة سمعتها والاجمل انها هزت كيانى كله وصلتلى الكلمة دى بمنتهى الاحساس




واتاكدت لما قلبى اهتز ليها ايوه هى دى هى دى ملاك احلامى حبيت اعبرلها عن


مشاعرى لكن سمعت صوت مختلف صوت بيقولى عفوا لقد بفذ رصيدكم جريت شحنت الموبايل



قولتلها وانا كمان عمرى ماقلت الكلمة دى لاى حد باحساس عمرى ماعرفت


معنى الحب بجد غير معاكى انتى وسعاد سنعت صرخة بتقول سعاد مين دى قلتلها دى ماما



وفعلا ده كان اختبار عرفت منه انها بتغير جدا كان نفسى وقتها اخدها فى حضنى



واحسسها بالحنان الى مفتقداه نفسى اوصلها احساسى كله احاول اخلق كلمات للاحاسيس الى



مايعبرشى عنها اى كلام نفسى اروح انا وانتى للقمر نرقص اجمل رقصة بس



ياترى شكلنا هايكون حلو فى بدل رواد الفضاء هاتبقى تخينة قوى انتى حبيبتى ومراتى وكل املى فى الدنيا



من اللحظة دى انتى ملكى انا نفسى اطلب منك بوسة بس عارف انى



هاخدها فى المستشفى فابلاش بجد حبتينى ايه الى خلاكى



تحبينى اكيد علشان شبه رشدى اباظة اه صحيح نسيت اسالك اسمك ايه.........

اميرة ده كان اسمها اجمل وارق اسم حبيته وعشقت صدى صوته اسم كله امل وحياة امتلكتنى




كانت اميرة على عرش قلبى طلبت منها ميعاد وخرجنا روحنا جنينة جمبلة قوى



وانا قاعد معاها وبصيت فى عنيها شفت الدنيا كلها جميلة من عنيها لمسة ايديها الطاهرة البريئة



خلتنى اخرج كل الحنان الى جوايا حسستها بالامان قولتلها طول مانا عايش



عمرى ماهشوف دمعة حزن واحدة فى عنيكى ماتخافيش من اى حاجة فى الدنيا وانا جنبك



قعدت تعيط المهم حطيت راسها على كتفى وملست على شعرها الجميل وقلتلها




ماتحزنيش يقوم الشيطان لاعب بدماغى وياريته مالعب بيها خلانى اخدت بوسة منها يا سلام




بعدها داخت وكانت هاترتمى فى احضان لكن هى اديتنى اجمل خمس بوسات على




خدى دنهم اسبوع اكيد وارثة ايد باباها المهم اتصلت بيها وصالحتها وقلتلها اخر مرة والله



وهى مش راضية تكلمنى ابدا قلتلها لما بنزعل مانحد مابنفتكرلوش غير كل حاجة



وحشة عملها وعمرنا مابنفتكرله اى حاجة حلوة عملها علشانه قفلت السكة وشوية



لقيتها بتتصل وبتقولى معلشى ماتزعلشى على القلن ده قولتلها ده مش قلم دى رجل انضربت




فى وشى ضحكت وخلاص اتصالحنا تانى نمت وصحيت تانى يوم




لقيت قدام بابهم عربية والاثاث بتاع بيتهم بره........

خطرت فى بالى فكرة مجنونة بس ممكن تضيع مستقبلى لكن من غير اميرة ومن غير الحب


مافيش مستقبل ولا حاضر ولا فى حياة فاايه هخاف عليه الحياة اتساوة عندى


بالموت اتصلت بيها وقلتلها باباكى بيخبى اوراقه فين الاوراق المهمة قالتلى فى درج التسريحة



قلتلها الساعة 2 بالضبط تسيبى باب بيتكم مفتوح وتدخلى تنامى صحيت باليل




وجت ساعة الصفر لبست ترنج اسمر وظبط نفسى كده وخرجت مته ناحية بيتهم دخلت الشقة



براحة وفتحت حجرة الوحش بعد مااتاكدت انه نايم واتسحبت براحة وفتحت الدرج


وعنيا على ابوها واخدت الشنطة فى حضنى وفجاة الوحش صحى قمت بسرعة


اتدحرجت تحت السرير وحمدت ربنا انه ماخدشى باله حضنت الشنطة كانها جزء منى رجع




باباها ونام على السرير تانى استنيت لحد مانام الثانية كانت بتعدى عليا كانها ساعة اتسحبت براحة



وخرجت من البيت ولما روحت حمدت ربنا وغسلت وشى بشوية ميه كده



افحصت الورق كده لقيت فيه عقد العمل والبسبور وتذاكر السفر والاقامة فرحت فرحة مالهاش مثيل


كنت طاير من الفرح حرقت الورق كان من ضمن الورق صورة لاميرة

بروزتها وحطتها جنب السرير بتاعى واتصلت بيها تانى يوم قالتلى انت مجنون بابا هايتجنن



وبلغ الشرطة قلتلها هايعرف يسافر قالت لا ده كمان بعت يجيب الاثاث من عند عمتى




واتصل يثبت نفسه فى الشغل هنا قالتلى بجد انا بحبك قوى سمعت الكلمة دى وكانت عندى



بالدنيا كلها قلتلها ولقيت صورتك فى وسط الورق دانا عملت فيها عمايل قالتلى



انت قليل الادب قلتلها لا ماتفهميش غلط انتى الى نيتك وحشة دانا بروزتها وحطتها جنبى


وحطتها برضه فى قلبى مرت ايام وسنين وكل يوم حبنا بيكبر لحد ماكلمتها فى يوم


وقلتلها حصل الى ماكنتش عامل حسابه..............


انتظرو الجزء الاخير

قصة مشوقة جدا
في انتظار الجزء الاخير

لا اله الا الله

قلتلها جه اليوم الى ماكنتش عامل حسابه صرخت وقالتلى لا ماتقولهاش قولتلها ماقولهاش



وانا كنت باضحك قالتلى تقول ايه قلتلها انا هاتكرم واتنازل واجى اخطبك قلتلى انت نشفت دمى والله انت ماعندك دم روحت اتقدمت واخيرا قعدت مع الوحش واتكلمنا فى التفاصيل



هو واهلى بس الماديات ماكنتشى مهمة لانى خلاص هاوصل لحبيبت قلبى واتخطبنا لبعض وقضينا اجمل فترة خطوبة مع بعض وطول فترة الخطوبة ضربتنى 3 اقلام




قصدى رجول واخيرا حددنا ميعاد الفرح واتجوزنا ليلة الدخلة بالذات اخدت 100قلم مش عارف ايه ده انا بقيت اصرف فلوسى كلها على وشى وربنا رزقنى بمولودة جميلة سمتها هدير



وبعدها مابقاش فى اقلام تانى وفى مرة حكيت لابوها على موضوع الورق بتاعه جرى ورايا اكتر من كيلو عائلةخارقة قطع نفسى من الجرى وهو عنده يجى 60 سنة


وبعد كده صالحنى على الى عمالته مع انه بدافع الحب وعشنا انا واميرة اجمل ايام فى حياتنى وكانت بنتى هى الشمعة الى منورة دنيتنا وقعدنا نفتكر ايام زمان وبقت ذكريات جميلة بنضحك عليها ....

تمت


وهى دى همسة على جدار القلب الى باعتبرها من اجمل ما كتبت لاحساسى بوجود اجزاء كتية من مشاعرى بداخلها ولحلم عايش واتربى بين سطورها
تحياتى
f

جميلة جدا القصة دي
ونهايتها جميلة جدا
ونشكر ابو هدير
ههههههههههههه


لا اله الا الله